தானத்தில் சிறந்தது ‘அன்னதானம்’

இறைக்க இறைக்கத்தான் கிணற்றில் நீர் ஊரும் என்று பெரியவர்கள் சொல்வார்கள். நாம் கற்ற கல்வியை பிறருக்கு சொல்லிக்கொடுத்தால் நம்முடைய அறிவு விருத்தி அடையும் அதுபோல நாம் சில பொருட்களை தானமாக கொடுத்தால் நம்முடைய செல்வம் விருத்தி அடையும். தானம் கொடுப்பவர்களை இறைவனுக்கு மிகவும் பிடிக்குமாம் எனவேதான் தானம் செய்பவர்களின் வீட்டில் செல்வம் மேலும் மேலும் பெருகுகிறது.

கோவிலில் சமைக்கப்படும் உணவுப் பொருட்கள், அரிசி, பருப்பு போன்றவற்றை தானமாக மாதம் தோறும் நீங்கள் உங்களால் முடிந்த அளவிற்கு உதவி செய்து வந்தால் அன்னபூரணியின் அருள் பரிபூரணமாக உங்களுக்கு மட்டுமல்லாமல் உங்களுடைய சந்ததியினருக்கு அடுத்தடுத்து வரும் காலங்களில் போய் சேரும் என்பது நம்பிக்கை. எந்த விதத்திலும் உங்களுக்கு வறுமை என்பதே ஏற்படாமல் பாதுகாக்க கூடிய ஒரு எளிய பரிகாரமாக இப்பரிகாரம் இருக்கும்.

உயிரோடு உடம்பை சேர்த்து வைத்து ரட்சிப்பதும் அன்னம்தான். அதனால்தான் ‘உண்டி கொடுத்தோர் உயிர்கொடுத்தோரே” என்று சொல்லியிருக்கிறது.

ஆற்றுவார் ஆற்றல் பசிஆற்றல் அப்பசியை

மாற்றுவார் ஆற்றலின் பின்.   – என்கிறார் திருவள்ளுவர்.

அதாவது பசியை பொறுத்துக்கொண்டு தவம் செய்பவர்களின் ஆற்றலை விட அப்பசியை போக்குபவர்களின் ஆற்றல் மிகப்பெரிது என்கிறார் வள்ளுவர்.

அன்னதானம் – சகல பாக்கியங்களும் உண்டாகும்.

தானியங்களை தானம் செய்வதால் லட்சுமி மற்றும் அன்னை அன்னபூரணி இருவருக்குமே ஆசிகள் கிடைக்கும் என்பது மத நம்பிக்கை. அனைத்து விருப்பங்களும் நிறைவேறும்.

அன்னதானத்தில்தான் ஒருவரை பூரணமாக திருப்திபடுத்த முடியும்.